Fitch agenttigi «Qazaqstandyq ıpotekalyq kompanııa» AQ qyzmetin oń baǵalady

ASTANA. 26 shilde. QazAqparat - Fitch Ratings agenttigi «Qazaqstandyq ıpotekalyq kompanııa» IU» AQ-nyń sheteldik valıýtadaǵy uzaqmerzimdi reıtıngin «VV», ulttyq valıýtadaǵy uzaqmerzimdi reıtıngin «VV+» jáne sheteldik valıýtadaǵy qysqa merzimdi reıtıngin «V» deńgeıimen baǵalady.

Atalǵan kompanııanyń uzaqmerzimdi reıtıngtegi boljamy  «jaǵymdy» dep sanalady.

Fitch reıtıngtik agenttiginiń osy deńgeıdegi baǵalaýy budan buryn «Moody's Investors Servic» baǵalaǵan reıtıngke qaraǵanda aıtarlyqtaı joǵary. Toqtala ketetin jaıt, reıtıngti baǵalaý barysynda Fitch agenttigi memlekettik sektorǵa arnalǵan ádistemelerdi qoldanǵan. Óıtkeni, «Qazaqstandyq ıpotekalyq kompanııa» kvazımemlekettik kompanııa bolyp tabylady jáne onyń aktsıoneri Qazaqstan Respýblıkasynyń Qarjy mınıstrligi. Budan bólek,  reıtıngti baǵalaý barysynda  Fitch agenttigi «Qazaqstandyq ıpotekalyq kompanııany» Qazaqstan Úkimetiniń «Qoljetimdi baspana-2020» memlekettik baǵdarlamasynyń operatory retinde belgilegenin de eskergen. Atalǵan baǵdarlama aıasynda memleket tarapynan 2013-2016 jyldary aralyǵynda «Qazaqstandyq ıpotekalyq kompanııa» qosymsha 107,7 mlrd. teńgege qarjylandyrylatyn bolady.

Fitch agenttiginiń júzege asyrǵan reıtıngtik baǵalaýy «Qazaqstandyq ıpotekalyq kompanııanyń» aınalymda júrgen barlyq 14 oblıgatsııalyq shyǵarylymdaryn da birdeı qamtyp otyr.