Fitch agenttigi «Báıterek» ulttyq holdınginiń reıtıngin táýelsiz «BBB+» deńgeıine baǵalady
ASTANA. QazAqparat - Fitch Ratings halyqaralyq reıtıng agenttigi «Báıterek» Ulttyq basqarýshy holdıngi» AQ-nyń sheteldik valıýtadaǵy uzaqmerzimdi defolt emıtenti reıtıngin «VVV+» deńgeıine, sonymen qatar ulttyq valıýtadaǵy deńgeıin «A-», ulttyq uzaqmerzimdi reıtıngin «AAA(kaz)» jáne sheteldik valıýtadaǵy qysqa merzimdi defolt emıtenti reıtıngin «F2» deńgeıine baǵalady.
Al holdıngtiń uzaqmerzimdi reıtıng boıynsha boljamy - «Turaqty». Bul týraly holdıngtiń baspasóz qyzmetinen habarlandy.
Budan bólek, Fitch ulttyq valıýtadaǵy uzaqmerzimdi reıtıngin «A-» jáne «AAA(kaz)» boıynsha baǵalaıdy. Bul rette agenttik holdıngke Ulttyq qordan kásipkerlikti jáne óńdeýshi sektordy qoldaý baǵdarlamasy boıynsha bólingen 100 mlrd teńgeniń basymdyǵy qamtamasyz etilmegen ishki oblıgatsııalaryn atap ótedi.
Toqtala ketetin jaıt, Qazaqstannyń táýelsiz reıtınginiń deńgeıine sáıkes, «Báıterek» holdıngin baǵalaýdaǵy basty faktor retinde qajettilikke qaraı Úkimet tarapynan qoldaý múmkindiginiń joǵarylyǵy atalady. Bul jaǵdaı negizinen «Báıterek» holdınginiń basqarýshylyq mártebesine baılanysty jáne ulttyq ekonomıkany damytý boıynsha mańyzdy fýnktsııa atqaryp otyrǵandyǵyna qatysty bolyp otyr. Budan bólek, holdıng qyzmetiniń ónerkásipti damytýǵa, ekonomıkany ártaraptandyrýǵa, shaǵyn jáne orta bıznesti qoldaýǵa, sondaı-aq qoljetimdi baspanamen qamtamasyz etýge baǵyttalǵanyna da nazar aýdarylady.
«Reıtıngter berýde «Báıterek» holdınginiń aıtarlyqtaı deńgeıde qarjylandyrylatyny, onyń qyzmetine baqylaý men qadaǵalaý Úkimet tarapynan júzege asyrylatyndyǵy, sondaı-aq kompanııanyń strategııalyq mánine oraı, Úkimet tarapynan qajetti qoldaýdyń jasalatyndyǵy da eskerilgen. Bul rette holdıng reıtıngi elimizdiń táýelsiz reıtıngin bildiredi. Qazaqstannyń reıtıngi joǵarylaǵan saıyn kompanııa da ońtaıly reıtıngtik áreket oryn alady, kerisinshe, Qazaqstannyń reıtıngi jaǵymsyz áserge ushyraǵan jaǵdaıda «Báıterektiń» memleketpen tyǵyz baılanystylyǵyna oraı, onyń da reıtıngi nasharlaıdy», - delingen baspasóz baıanynda.
