Fıskaldy túbirtektiń zańdylyǵyn qalaı tekserýge bolady

NUR-SULTAN. QazAqparat - Áleýmettik jeliler men messendjerlerde jalǵan túbirtekterdi jasaýǵa bolatyny týraly alyp-qashpa habarlamalar taratylyp júr. Osyǵan oraı QR Qarjy mınıstrliginiń Memlekettik kirister komıteti baqylaý-kassa mashınasy túbirteginiń zańdylyǵyn tekserý múmkindigin túsindirip berdi, habarlaıdy QazAqparat tilshisi.

Vedomstvo málimetinshe, Qazaqstan Respýblıkasy Salyq kodeksiniń 166-babynyń 1-tarmaǵyna sáıkes, Qazaqstan Respýblıkasynyń aýmaǵynda aqshalaı esep aıyrysýlar baqylaý-kassa mashınalary mindetti túrde qoldanyla otyryp júrgiziledi. Baqylaý-kassa mashınalarynyń modelderi memlekettik tizilimge engiziledi jáne olardyń derekterdi tirkeý jáne (nemese) berý fýnktsııasy bar.

Óz kezeginde Salyq kodeksiniń 166-baby 5-tarmaǵynyń 2-tarmaqshasyna sáıkes, taýar, jumys, kórsetiletin qyzmet úshin tólengen somaǵa baqylaý-kassa mashınasynyń túbirtegin nemese taýar chegin berý júzege asyrylady.

Qazirgi tańda, https://consumer.oofd.kz/ siltemesi boıynsha fıskaldyq derekter operatorlarynyń, https://kgd.gov.kz/ru/services/kkm_check siltemesi boıynsha QR QM MKK resmı saıtynda jáne https://egov.kz/wps/portal/paymentSearch siltemesi boıynsha «elektrondyq úkimet» portalynda berilgen baqylaý-kassa mashınasy túbirteginiń zańdylyǵyn tekserý múmgindigin bar.