FIS mamany Şýchınskidegi shańǵy tramplınderin tekserýden ótkizdi
NUR-SULTAN. QazAqparat - Halyqaralyq shańǵy sporty túrleri federatsııasynyń (FIS) ınspektory, shańǵymen tuǵyrdan sekirýden Qurlyqtyq Kýboktiń úılestirýshisi Horst Tılmann jumys saparymen Şýchınsk qalasyna keldi, dep habarlaıdy Olympic.kz.
FIS ókili Şýchınsk qalasynda ornalasqan shańǵy tramplınderin tekserýden ótkizdi. Naqtylap aıtar bolsaq, Tılmann 2019 jyldyń 11-14 shildesinde ótetin FIS Qurlyqtyq Kýbogin qabyldaýǵa keshenniń qanshalyqty daıyn ekenin teksergen.
Tekserý nátıjesi boıynsha sheteldik maman birneshe eskertý jasap, qundy keńesterimen bólisti. Jalpy alǵanda, aralyq tekserý nátıjesi mamannyń kóńilinen shyqqan.
