Fırýza Sháripovanyń tıtýldyq jekpe-jeginde murny syndy

ALMATY. QazAqparat - Qazaqstandyq boksshy Fırýza Sháripova reseılik ıÝlııa Kýtsenkoǵa qarsy jekpe-jekte jaraqat aldy, dep habarlaıdy QazAqparat tilshisi.

Kásipqoı boksta eki salmaq sanatynda birqatar beldikterdiń ıesi atanǵan Sháripovanyń murny syndy.

«Sportshynyń buǵan deıin de birneshe ret murny synǵan. Atap aıtqanda, 2017 jyly naýryzda ıÝlııa Chernoborodovaǵa qarsy kezdesý qarsańyndańy sparrıngte qatty jaraqat alyp qalǵan bolatyn. Chempıon qyz soǵan qaramastan rıngke shyǵyp, qarsylasyn jeńdi», - dep málimdedi Sháripovanyń baspasóz qyzmetinen.

Eske sala keteıik, WIBA, WBU, IBO Championship jáne WBC Silver belbeýleriniń ıegeri qazaqstandyq Fırýza Sháripova (8-1, 4 KO) men reseılik ıÝlııa Kýtsenkonyń arasyndaǵy jekpe-jek otandasymyzdyń jeńisimen aıaqtaldy. Osylaısha, Fırýza óziniń tıtýldaryn qorǵap qana qoımaı, jeńil salmaqta WIBA chempıony ataǵyna ıe boldy. Boks keshi 8 qyrkúıekte Sankt-Peterbýrgte «A2» arenasynda ótti.

Sháripova endigi kezdesýin 59 kg salmaq sanatynda WBC tujyrymy boıynsha álem chempıony Eva Valstremǵa qarsy ótkizedi. Sháripova osy beldiktiń mindetti úmitkeri bolyp tabylady.