Fırýza Sháripovanyń taǵy bir aıqasy pandemııaǵa baılanysty ótpeı qaldy
«Dostar! Erteń Mınskide meniń jekpe-jegim ótýge tıis edi. Ókinishke qaraı, koronavırýsqa baılanysty men Belarýske jete almaı qaldym. Onyń sebebi - shekaranyń jabyq bolýy. Ózderińiz bilesizder, Qazan qalasyndaǵy kezdesý de osy sebeppen keıinge qalǵan bolatyn. Biraq men aıqasqa daıynmyn. Meniń komandam maǵan Reseıden qarsylas taýyp beredi dep úmittenem. Bul jaıly keıinirek habarlaımyz. Maǵan oryn usynǵan Suleimen Promotions promýterlik kompanııasyna sheksiz rızashylyǵymdy jetkizgim keledi. Alaıda shekaranyń jabyqtyǵyna baılanysty Mınskidegi sharany uıymdastyrý múmkin bolmady» dep jazdy Fırýza Sháripova Instagram paraqshasynda.
Eske sala keteıik, Fırýza buǵan deıin Olımpıada fınalısi Sofıa Ochıgavamen aıqasqa shyǵý úshin jan-jaqty ázirlengen bolatyn.