Fırýza Sháripovanyń Kýtsenkoǵa qarsy revanshy ótpeıtin boldy
«Ókinishke qaraı, 16 maýsymdaǵy aıqasym ótpeıtin boldy. Sebep - qarjylandyrýdyń bolmaýy. Osynaý iri shara barysyndaǵy ári osyndaı mańyzdy tıtýldar úshin jekpe-jektiń kezekti ret ótpeı qalýy óte ókinishti. Bizge birneshe nusqa boıynsha álem chempıonynyń beldikterin sanktsııalaý úshin qarjylaı qoldaý kórsetiletini ýáde etilgen edi. Biz daıyndyq jumystaryna aqsha shyǵyndadyq. Biraq barlyǵy beker boldy», - dedi ol.
Boksshy jaǵdaıdyń mán-jaıyn aldaǵy ýaqytta tolyq aıtyp beretinin jazdy.
«Ózimniń komandama: bapkerlik shtabqa, osyndaı bedeldi sharada óner kórsetý jóninde kelisimshart jasaı alǵan menedjer Sergeı Zavılevskııge úlken alǵys bildiremin. Kóp kúsh jumsalǵan edi. Aldaǵy ýaqytta barlyq mán-jaıdy aıtatyn bolamyz», - dedi F.Sháripova.
Eske salaıyq, qazaqstandyq F.Sháripova men reseılik ıÝlııa Kýtsenko arasyndaǵy revansh 13-16 maýsym kúnderi Ekaterınbýrgte ótetin Ekinshi dúnıejúzilik boks forýmy sheńberinde uıymdastyrylýy tıis edi. Jekpe-jek 16 maýsymǵa belgilengen bolatyn.
Ekinshi Halyqaralyq boks forýmynda barlyq dúnıejúzilik uıymdardyń - Halyqaralyq boks federatsııasy (IBF), Dúnıejúzilik boks keńesi (WBC), Dúnıejúzilik boks uıymy (WBO), Dúnıejúzilik boks qaýymdastyǵynyń (WBA) basshylary bas qosýda. Sondaı-aq, álemniń tanymal sportshylary, bokstan olımpıada chempıondary, álem chempıondary, promoýterler, menedjerler, shoý-bıznes juldyzdary qatysyp jatyr.
Sháripovanyń Kýtsenkoǵa qarsy alǵashqy aıqasy 2018 jyldyń 8 qyrkúıeginde Sankt-Peterbýrgte ótip, qazaqstandyq sportshynyń jeńisimen aıaqtalǵan edi. Sháripova on raýndtyń toǵyzynda synǵan murnymen judyryqtasty.
Buǵan deıin Fırýza Sháripova 2020 jyly Tokıoda ótetin Jazǵy Olımpıada oıyndaryna qatysýǵa nıetti ekenin jazǵan edik.