Fırýza Sháripovanyń boks keshiniń anderkartynda kezdesetin juptar anyqtaldy
ALMATY. QazAqparat - Qazaqstandyq Fırýza Sháripova men reseılik ıÝlııa Kýtsenkonyń Sankt-Peterbýrgtegi kásipqoı boks keshiniń anderkartynda aıqasatyn juptar belgili boldy, dep habarlaıdy QazAqparat tilshisi.
Fırýza Sháripova eki salmaq sanaty boıynsha WIBA, WBU, IBO Championship jáne WBC Silver beldikteriniń ıesi. Ol bul keshte chempıondyq beldikterin saqtap qalýǵa kúsh salady. Sondaı-aq Sankt-Peterbýrgtegi boks keshinde basqa da otandastarymyz sharshy alańǵa shyǵady.
Jekpe-jek juptarynyń tolyq tizimi kelesideı:
Reseılik Evgenıı Terentev belarýstyq Kırıll Samadýraýmen 10 raýndtyq aıqas ótkizedi.
Kásipqoı boksta jeńilip kórmegen qazaqstandyq Vıktor Kotochıgov taılyq Aekkave Kaevmanımen judyryqtasady. Jekpe-jek 6 raýndqa josparlanǵan.
Qazaqstandyq Jantil Ómirbaı WFA nusqasy boıynsha álem chempıony ataǵy úshin talasady. Qarsylasy - Belarýs boksshysy Rýslan Rodzıvıch.
Sondaı-aq týrnır aıasynda sankt-peterbýrgtik jas boksshy Edgard Moskvıchev jekpe-jegin ótkizedi. Onyń qarsylasy rostovtyq Alıklych Kanbolatov kásipqoı boksta 20-dan astam ret aıqasqa túsken.
Qazaqstandyq belgili nokaýtshy Alı Baloev ázerbaıjandyq Gýlhýseın Agazadamen judyryqtasady. Gýlhýseın osyǵan deıingi kezdesýlerinde qarsylastaryn ýaqytynan buryn jeńip shyqqan.
Ózbekstannan kelgen Dılmýrodjon Bozorboev grýzındik boksshy Rýben Movsesıanmen kúsh synasyp kóredi.
Reseılik qos boksshy Aleksandr Kostromın men Sergeı Beloshapkın 6 raýnd boıy ózara myqtyny anyqtaıtyn bolady.
Sonymen qatar osy keshte qazaqstandyq Muhıt Amanbaev kásipqoı bokstaǵy alǵashqy jekpe-jegine shyǵady. Qarsylasy - Ózbekstandyq Islomjon Hýjaev. Ol kásipqoı boksta 6 aıqas ótkizgen.
