Fırýza Sharıpova jekpe-jekten keıin gıpspen túsken sýretin jarııalady
ASTANA. QazAqparat - Qazaqstandyq boksshy Fırýza Sharıpova Almatydaǵy tıtýldyq jekpe-jeginen keıin túsken sýretin jarııalady, dep habarlaıdy «QazAqparat» HAA tilshisi.
Sýretten erjúrek qyzdyń oń qoly gıpstelgenin kórýge bolady. Sportshy ony Instagramdaǵy paraqshasynda jankúıerlerimen bólisti.
Eske sala keteıik, Fırýza Sharıpova keshegi boks keshiniń bas kezdesýinde Belgııadan kelgen Djemılla Gontarıýkti jeńdi.
Boksshylar ekinshi jartylaı orta salmaqta (59 kg) WBC Silver jáne IBO Championship nusqalary boıynsha álem chempıony ataǵyna talasty. 10 raýndtyq jekpe-jek qorytyndysyna saı tóreshiler biraýyzdan Fırýzanyń jeńiske jetkenin aıtty.
Endi Sharıpova WBC nusqasy boıynsha álem chempıonymen 2018 jyldyń kókteminde Tarazda nemese Monakoda kezdesýi múmkin.
