Fırýza Sháripova jańa salmaqta jekpe-jek ótkizedi
«Ókinishke qaraı, Fırýza bul kezdesýdi aıyrylǵan tıtýly úshin ótkizbeıdi. Alaıda boksshy qaraıyp qalmas úshin rıngke shyǵý qajettiligine bel býyp otyrmyz. Bul jaǵdaıda ol báribir jeńil salmaqtaǵy WIBA jáne WBU nusqasy boıynsha álem chempıony bolyp qala beredi. Al bul aıqasta Fırýza jańa salmaqta - 63,5 kelide óner kórsetetin bolady. Qarsylas áli anyqtalǵan joq. Kezdesý alty raýndqa eseptelgen», - deıdi qazaqstandyqtyń menedjer Sergeı Zavıleıskıı.
Onyń aıtýyna qaraǵanda, jańa salmaqta beldikterge ıe bolý úshin alda áli birshama eńbektený kerek.
«Eger qarjylandyrý máselesi sheshiletin bolsa, Fırýza kelesi aıda óziniń tıtýlyna qaıtadan ıe bolyp, odan da joǵarǵysyn ala alady», - deıdi menedjer.
Eske sala ketsek, Fırýza Sháripova IBO tujyrymy boıynsha álem chempıony tıtýlynan jáne WBC Silver belbeýinen aıyrylǵany osyǵan deıin habarlanǵan bolatyn. Oǵan qatysty sportshy:
«Bul - qalypty jaǵdaı, sebebi bir jyldan beri qorǵalǵan joq. Chempıon óz belbeýin qorǵaýy tıis. Ótken jyldyń sońynda Eva Valstremmen birlesken aıqas ótkizýdi josparladyq. Ol - WBC tujyrymy boıynsha chempıondyq tıtýldyń ıegeri. Qarjylandyrýǵa kómek suradyq. Ákimdikter men Mádenıet jáne sport mınıstrine hat joldadyq. Ókinishke qaraı, bizge qarajat tabylmady», - degen edi.
Onyń aıtýynsha, E. Valstrem úlken kólemdegi gonorar suraǵan.
«Munyń aldynda WIBA tıtýlyn qorǵadym, sondyqtan men osy nusqadaǵy álem chempıonymyn. Men belbeýlerimdi joǵaltqan joqpyn, kelesi aıqasta ony rıngke alyp shyǵamyn. Men osy nusqadaǵy qazirgi álem chempıony mártebesinen aıyryldym. Bul meniń jáne komandamnyń kinási emes - men odan aıqasta jeńilgendikten aıyrylmadym. Qazaqstanda bizdi eshkim qoldaǵan joq», - dep atap ótti ol.