Fırýza Sháripova ıÝlııa Kýtsenkomen taǵy bir márte judyryqtasýy múmkin

ASTANA. QazAqparat - Reseılik boksshy ıÝlııa Kýtsenko álem chempıony Fırýza Sháripovaǵa revansh kezdesý ótkizýdi usyndy, dep habarlaıdy QazAqparat tilshisi.

«Fırýza, qanekeı revansh ótkizeıik!» - dep jazdy ıÝlııa Instagram paraqshasynda.

Qazaqstandyq boksshy kóp sozbaı, birden jaýap berýdi durys kóripti.

«Qoldaımyn! Chempıon ekenimdi taǵy bir márte dáleldeýge, seni jeńýge daıynmyn!» dep jaýap qatty Fırýza.

Bul sózge jaýap bergen reseılik boksshy boıjetken de baryn salýǵa ýáde berdi.

«Bul sózińe kelispeımin. Endeshe aıqasaıyq, bul joly qan tókpeı is tynbas. Endi jeńiske múmkindik bermeımin», - dep otyr ıÝlııa Kýtsenko.

Qos boksshynyń arasyndaǵy sóz talasy aqyry Fırýza Sháripovanyń menedjeri Sergeı Zavıleıskııdiń nazaryn aýdarypty.

«Men de bul bastamany qoldaımyn. Birinishi aıqas keremet ótken edi. Kelissózge kirisemiz», - deıdi ol.

Aldaǵy aıqasqa reseılik promoýterlerdiń biri qyzyǵýshylyq tanytyp otyr. «Victory Team» kompanııasynyń ókili Andreı Halaıdjan «Victory Team» kompanııasy aıqasty ótkizýge asyq. Sháripova vs Kýtsenko. Aıqasty sáýir aıynyń sońynda Voronejde ótkizýdi usynamyn» deıdi.

Eske sala keteıik, WIBA, WBU, IBO Championship jáne WBC Silver belbeýleriniń ıegeri qazaqstandyq Fırýza Sháripova (8-1, 4 KO) men reseılik ıÝlııa Kýtsenkonyń arasyndaǵy jekpe-jek otandasymyzdyń jeńisimen aıaqtalǵan bolatyn. Osylaısha, Fırýza óziniń tıtýldaryn qorǵap qana qoımaı, jeńil salmaqta WIBA chempıony ataǵyna ıe boldy. Boks keshi 8 qyrkúıekte Sankt-Peterbýrgte «A2» arenasynda ótti.