Fırýza Sharıpova WBA reıtınginiń birinshi satysyna kóterildi
NUR-SULTAN. QazAqparat – Úsh salmaq dárejesinde álem chempıony, qazaqstandyq sportshy Fırýza Sharıpova WBA-nyń jańartylǵan reıtınginde birinshi orynǵa kóterildi, dep habarlaıdy QazAqparat Sports.kz saıtyna silteme jasap.
Áıelder arasynda jeńil salmaq dárejesinde basty beldik ıegeri burynǵydaı Irlandııa boksshysy Ketı Teılor. Sharıpova ekinshi orynnan birinshi orynǵa kóterilip, osylaısha, Teılor úshin mindetti úmitker atandy.
Irlandııa sportshysy buǵan deıingi jekpe-jegin Natasha Djonaspen ótkizgen. Bul kezdesýge deıin ol reıtıngte tórtinshi orynda turǵan, biraq jeńilgennen keıin 12-shi orynǵa bir-aq syrǵydy. Bul rette Djonastyń Teılorǵa qarsy jekpe-jegi teń dárejede ótken, aǵylshyn sportshysy eń az eseppen utyldy: 96-95, 96-94, 96-95. Kepildendirilgen gonorarlar (bonýsty esepke almaǵanda) Teılor úshin 1,38 mıllıon dollardy, al Djonas úshin — 485 myń dollardy quraǵan.
Eger Fırýza Sharıpova men Ketı Teılordyń jekpe-jegi ótip, onda qazaqstandyq sportshy jeńiske jetse, ol negizgi nusqalar boıynsha álem chempıonynyń barlyq tórt beldigin jınamaq. Bul Qazaqstan úshin jańa rekordtyq jetistik bolady. Kásibı mansaby jolynda Sharıpova óziniń basty maqsaty – álemniń absolıýtti chempıony bolý ekenin málimdegen.
