Fırýza Sháripova: Úsh salmaqta álem chempıony bolýǵa daıynmyn

ASTANA. QazAqparat - Qazaqstandyq boksshy, álem chempıony Fırýza Sháripova kásipqoı bokstaǵy aldaǵy josparlary týraly aıtty, dep habarlaıdy QazAqparat Sports.kz-ke silteme jasap.

«Kelesi jekpe-jegimdi 24 naýryz kúni Almaty Arenada ótkizgim keledi. Uıymdastyrýshylar men demeýshiler qoldaý kórsetedi dep oılaımyn. Ókinishke qaraı Eva Valstremmen bolatyn kezdesýdi osy kúni ótkizý múmkin emes, biraq men jańa salmaq sanatynda chempıondyq jekpe-jegin ótkizip, úsh salmaqta álem chempıony bolýǵa ázirmin», - dep jazdy Fırýza Instagramdaǵy paraqshasynda.