Fırýza Sháripova Tokıo Olımpıadasyna qatysýǵa nıetti

ASTANA. QazAqparat - IBO tujyrymy boıynsha álem chempıony Fırýza Sháripova Tokıoda ótetin Olımpıada oıyndarynda Qazaqstan namysyn qorǵaýǵa nıetti, dep habarlaıdy QazAqparat áleýmettik jelidegi Qazaqstannyń kásipqoı boksy paraqshasyna silteme jasap.

«2020 jylǵy Olımpıada oıyndaryna qatysqym keletinin burynnan aıtyp kelemin. Krıstına Hammerdi úlgi tutamyn, maǵan shabyt beretin de sol. Eger Krıstına Qazaqstannyń atynan shyǵýdy qalap tursa, men sóıtýge mindettimin. Oǵan deıin, árıne, kásipqoı boksta álemniń absolıýtti chempıony bolǵym keledi. Bul jaǵynan alǵanda, Krıstına ekeýimizdiń josparlarymyz uqsas. Klaressa Shıldske qarsy jekpe-jeginde oǵan bolysamyn», - deıdi Sháripova.

Fırýzanyń baspasóz qyzmetiniń aqparatyna sáıkes, buǵan deıin Krıstına Hammer Qazaqstan atynan Olımpıadaǵa qatysý nıetin bildirgen. Óz kezeginde Sháripova da Olımpıada «altynyn» jeńip alýdy qalaıtynyn jetkizgen bolatyn. Sol sózinen keıin ol eki salmaq sanatynda úsh tıtýlǵa qol jetkizip úlgerdi.