Fırýza Sharıpova Tarazda aıqas ótkizýdi josparlaýda
ASTANA. QazAqparat - WIBA jáne WBU tujyrymy boıynsha jeńil salmaqtaǵy álem chempıony qazaqstandyq Fırýza Sharıpova qalǵan eki aıqasty otanynda ótkizýdi josparlaýda, dep habarlaıdy Sports.kz .
Bul týraly tolyǵyraq onyń menedjeri Sergeı Zavıleıskıı málimdedi. «Biz Jambyl oblysynyń ákimi Kárim Kókirekbaevpen kezdestik. Ol Mılena Kolevany utyp, eki chempıondyq tıtýldy ıelengeni úshin Fırýza Sharıpovaǵa Tarazdan páter kiltin syılady. Sondaı-aq, biz aldaǵy josparlarmen bólisip, sáýirdiń sońynda - mamyrdyń basynda Fırýza Sharıpovnyń aıqasyn Tarazda ótkizý týraly kelistik. Al, onyń aldynda, qarashanyń sońynda - jeltoqsannyń basynda Fırýza Almatyda nemese Máskeýde taǵy bir jekpe-jek ótkizedi. Ol da otanynda oıyn kórsetetinine óte qýanyshty, sebebi ol Taraz ben Qazaqstannyń atyn álemge tanytqysy keledi», - dep atap ótti Sergeı Zavıleıskıı.
Eske salaıyq, Fırýza Sharıpova 26 tamyz kúni Astanadaǵy kásipqoı boks keshindegi basty aıqasta bolgarlyq Mılena Kolevany jeńip, WIBA jáne WBU tujyrymy boıynsha jeńil salmaqtaǵy álem chempıony tıtýlyn ıelendi.
