Fırýza Sharıpova «Taqtar oıyny» serıalyna túskisi keledi

Eki salmaq dárejesi boıynsha kásibı bokstan birqatar chempıondyq belbeýlerdiń ıegeri Fırýza Sharıpova amerıkalyq NVO telearnasynyń bokspen jumys isteýden bas tartyp, «Taqtar oıyny» prıkvelin túsirýine qatysty pikir bildirdi.
«NVO-nyń boks shoýlaryn translıatsııalaýdan bas tartqany ókinishti. Biz Monakada ótken Sportel konventsııasynda meniń aıqastarymdy tikeleı efırden kórsetý týraly, «Taqtar oıyny» tanymal telehıkaıasyndaǵy túsirilim týraly kelissózder júrgizip, yntymaqtastyq jasaýǵa talpyndyq. Ókinishke qaraı, jattyǵýlaryma baılanysty «Taqtar oıynyna» túse almadym. Eger meniń bos ýaqytym bolyp, telearnamen kelise alsaq, serıalda oınaǵym keledi. Sebebi, NVO hıkaıalarǵa basymdyq berýde. Biz kelissóz júrgizip, baǵymyzdy synap kórmekshimiz», - dedi sportshy.
Budan buryn, Fırýza Sharıpova «Taqtar oıynyna» túspekshi boldy, biraq keıin kásibine basa nazar aýdarǵan bolatyn.
Eske salaıyq, Fırýza Sharıpova qazirgi tańda WBC Silver belbeýiniń ıegeri jáne osy uıymnyń tujyrymy boıynsha álem chempıony tıtýlyna mindetti úmitker. Onyń ıegeri fınlıandııalyq Eva Valstremmen jekpe-jek 2018 jyldyń jeltoqsanyna josparlanǵan.