Fırýza Sharıpova Sıngapýrde jekpe-jek ótkizýi múmkin
ASTANA. QazAqparat - Kásipqoı bokstan álem chempıony Fırýza Sharıpovanyń menedjeri Sergeı Zavıleıskıı Sıngapýrde qazaqstandyq boksshynyń jekpe-jegin ótkizý týraly kelissózder júrgizip jatyr. Sondaı-aq, Qazaq kuresi boıynsha jarystar uıymdastyrýdyń múmkindikteri talqylanady. Bul týraly Zavıleıskıı sportshynyń baspasóz máslıhatynda aıtty.
«SportelAsia konventsııasy aıasynda Sıngapýrdegi Qazaqstan elshiligi ókilderimen kezdesti. Qazirgi tańda Fırýzanyń jekpe-jegin osy elde ótkizý múmkindikterin talqylaımyz. Sondaı-aq, Qazaq kuresi boıynsha jarystar ótkizý talqylanyp jatyr. Taıaý ýaqytta tolyq aqparat beremiz», - dep bólisti Sergeı Zavıleıskıı.
Eske salaıyq, SportelAsia álemdik sport telearnalarynyń eń bedeldi konventsııasy qazirgi ýaqytta Sıngapýrde ótip jatyr. Qazaqstannyń atynan oǵan Fırýza Sharıpovanyń promoýterlik kompanııasy FSK Promotion men Qazaq kuresi qatysyp jatyr.
