Fırýza Sharıpova Saýl Alvarestiń dopıng-synamasy týraly pikir bildirdi
ASTANA. QazAqparat - Fırýza Sharıpova Saýl Alvarestiń oń nátıje bergen dopıng-synamasyna qatysty pikir bildirdi, dep habarlaıdy «QazAqparat» HAA tilshisi.
Kásipqoı bokstan álem chempıony qazaqstandyq Fırýza Sharıpova meksıkalyq Saýl Alvarestiń dopıng-synamasynyń oń nátıje berýine qatysty pikir bildirdi, dep habarlady sportshynyń baspasóz qyzmetinen.
«Men mundaı deńgeıde kezdeısoqtyqtyń bolmaıtynyna senimdimin. Kásibı boksshy retinde neni jeýge bolatynyn, dopıngke túspeý úshin qandaı dáriler qabyldaý kerektigin jaqsy bilemin. Jattyǵý protsesi kezinde, aıqastyń aldynda kenetten aýyryp qalsam, Sporttyq medıtsına klınıkasyna baryp, mamandarmen keńesemin. Bul meniń tamaqtanýyma da qatysty», - dep atap ótti sportshy.
«Kanelonyń» dopıng-synamasynyń oń nátıje berýine keler bolsaq, meniń oıymsha, ol bir jerde qýlyq jasap, óz abyroıyn qurtyp aldy. Eger ol jeńiske jetse, bul - taza jeńis emes. Ol Gennadıı Golovkınmen jekpe-jekte kez kelgen jaǵdaıda ózin jeńiletindeı deńgeıge qoıdy, sebebi eger ol jeńip jatsa, barlyǵy ádiletsiz utqanyn aıtatyn bolady», - dedi Fırýza Sharıpova.
