Fırýza Sháripova Reseıde álem chempıony ataǵy úshin aıqasady

QAZAN. QazAqparat – Qazaqstandyq boksshy Fırýza Sháripova (10-1, 5 KO) Reseıdiń Qazan qalasynda IBA nusqasy boıynsha birinshi orta salmaqtaǵy álem chempıony ataǵy úshin tanzanııalyq Heppı Daýdımen (8-6-1, 4 KO) aıqasady. QazAqparat bul týraly Sports.kz portalyna silteme jasap habarlaıdy.

Qazaqstandyq boks jankúıerleri tikeleı efırdi «Habar» telearnasynan tamashalaı alady. Boks keshi Nur-Sultan ýaqytymen 23.00-de bastalady. Tıtýldyq jekpe-jek toǵyz raýndqa josparlanǵan. Jalpy, kesh anderkartynda 13 aıqas ótedi: negizgi aıqas reseılikter Rýslan Faıfer (25-1, 16 KO) men Alekseı Papın (11-1, 10 KO) arasynda bolady.

Fırýza Sháripova buǵan deıingi jekpe-jegin 2019 jyldyń sáýir aıynda ótkizip, reseılik Anastasııa Trıshevany (0-1) úshinshi raýndta tehnıkalyq nokaýtpen jeńgen bolatyn. Heppı Daýdı aıqastardyń barlyǵyn óz otanynda – Tanzanııada ótkizgen. Ol rıngke sońǵy ret jeltoqsanda shyǵyp, alty raýnd nátıjesi boıynsha otandasy Sıdjalı Rashıdıdi (0-1-1) tóreshilerdiń biraýyzdy sheshimimen utqan edi.