Fırýza Sháripova men ıÝlııa Kýtsenkonyń revanshy qashan bolady

NUR-SULTAN. QazAqparat - Halyqaralyq boks federatsııasynyń (IBO) tujyrymy boıynsha ekinshi jartylaı salmaqtaǵy álem chempıony, qazaqstandyq Fırýza Sháripova men reseılik ıÝlııa Kýtsenkonyń jekpe-jegi 2019 jyldyń 16 maýsymynda Ekaterınbýrgte ótedi. Bul týraly sportshynyń baspasóz qyzmetine silteme jasap QazAqparat habarlaıdy.

«Ekaterınbýrgte 13-16 maýsym aralyǵynda ótetin Halyqaralyq boks forýmy aıasynda Fırýza Sháripova men ıÝlııa Kýtsenkonyń kópten kútken kezdesýi ótedi. Aıqas forýmnyń sońǵy kúninde týrnırde bolady», - dedi dırektsııadan.

Eki sportshy da jańa salmaq dárejesinde - 63,5 kelige deıingi salmaqta óner kórsetedi.

Sháripovanyń Kýtsenkoǵa qarsy alǵashqy aıqasy 2018 jyldyń 8 qyrkúıeginde Sankt-Peterbýrgte ótip, qazaqstandyq sportshynyń jeńisimen aıaqtalǵan edi. Sháripova on raýndtyń toǵyzynda synǵan murnymen judyryqtasty.

Ekaterınbýrgtegi Ekinshi Halyqaralyq boks forýmynda barlyq dúnıejúzilik uıymdardyń - Halyqaralyq boks federatsııasy (IBF), Dúnıejúzilik boks keńesi (WBC), Dúnıejúzilik boks uıymy (WBO), Dúnıejúzilik boks qaýymdastyǵynyń (WBA) basshylary bas qosady. Sondaı-aq, álemniń tanymal sportshylary, bokstan olımpıada chempıondary, álem chempıondary, promoýterler, menedjerler, shoý-bıznes juldyzdary keledi.