Fırýza Sháripova men Mılena Koleva salmaqtaryn ólshetti
ASTANA. QazAqparat - Kásipqoı bokstan Qazaqstannan shyqqan alǵashqy sportshy qyz, álemdegi eń sulý sportshy atanǵan 22 jastaǵy Fırýza Sháripova men onyń qarsylasy bolgarııalyq Mılena Koleva aıqas aldyndaǵy salmaq ólsheý rásiminen ótti, dep habarlaıdy QazAqparat tilshisi.
Eske sala ketsek, erteń «EKSPO-2017» halyqaralyq kórmesi aıasynda Astanada boks keshi ótedi. Keshtiń eń basty aıqasy Fırýza Sháripova men Mılena Kolevanyń arasynda bolmaq.
Boks keshin aralas jekpe-jekshiler ashady. Alǵashqy bolyp rıngke ýkraınalyq ıÝrıı Protsenko(122,6 keli) men ózbekstandyq Mýrod Hantýraev (104,6 keli) shyǵady. Odan bólek, qazaqstandyq Ámirhan Tóleýov (69,2 keli) reseılik Andreı Gremetsovke (salmaq ólsheý rásimine kelmedi) qarsy shyqpaq. Ózbekstandyq Stepan Portov (71,3 keli) qazaqstandyq Temirlan Raıymqulovpen (72,4 keli) qolǵap túıistirse, qazaqstandyq qos sportshy Abylaıhan Esentaev (53,8 keli) pen Aıdyn Eljanov (58,7 keli) aıqasqa túsedi. 
Fırýzanyń salmaǵy 60 keli 700 grammdy qurady. Al onyń qarsylasy Mılena Koleva 60 keli 350 grammdy kórsetti.
29 jastaǵy Mılena - óte tájirıbeli sportshy. Buǵan deıingi jekpe-jeginde ol Sháripovanyń áleýetti qarsylasy - osy ýaqytqa deıin eshkimnen jeńilip kórmegen reseılik IBO nusqasy boıynsha álem chempıony Svetlana Kýlakovamen, ırlandııalyq olımpıada chempıony Ketı Teılormen kezdesken bolatyn. Sondaı-aq, Frantsııadan shyqqan IBF nusqasy boıynsha álem chempıony Maıva Hamadýchemen de kúsh synasyp kórdi. Qazirgi ýaqytta Koleva álemdik reıtıng boıynsha Sháripovadan áldeqaıda joǵary ornalasqan. Álem chempıony ataǵy úshin aıqas on raýndqa eseptelgen.
Aıta keterligi, Fırýza Sháripova 10 jasynan bokspen aınalysa bastaǵan. Áýesqoı sportta eki ret Qazaqstan chempıony, Azııa chempıonatynyń júldegeri jáne álem chempıonatynyń shákirti boldy. 2016 jyldyń 21 mamyrynda Máskeý qalasynda kásiqoı boksta Denıs Lebedev pen Vıktor Ramıres ótkizgen aýqymdy kezdesýdiń anderkartynda Olımpıadanyń kúmis júldegeri, eki dúrkin álem chempıony, úsh dúrkin Eýropa chempıony reseılik Sofııa Olıchıvamen judyryqtasty. Sodan keıin, ol Ispanııada, Qazaqstanda jáne Reseıde judyryqtasty. 29 maýsymda Máskeýde ótken sońǵy jekpe-jeginde Fırýza Reseılik Bıanka Prıashkany birinshi raýndta jeńdi.
