Fırýza Sháripova kitap jazbaq

NUR-SULTAN. QazAqparat - Bokstan álem chempıony Fırýza Sháripova óziniń ómirbaıanyna negizdelgen kitap jazbaq, dep habarlaıdy QazAqparat sportshynyń baspasóz qyzmetine silteme jasaı otyryp.

«Ózimniń avtobıografııalyq kitabymdy jazýǵa daıyndalyp júrmin. Qazirgi kezde jumys isteý úshin baspa úıin irikteý júrip jatyr. Al birlesip jazǵan avtor retinde meniń menedjerim Sergeı Zavıleıskıı bolady. Osy kitapty shyǵarý protsesine qatysýǵa Sizderge usynys jasaımyn», - dep jazdy F. Sháripova Instagram-da.

Osy oraıda kitap ataýyna qatysty ıdeıasyn aıtqandar óz úlesin qosa alady.

«Meniń kitabyma ataýlardy usynyńyzdar. Konkýrsta jeńiske jetken adam jańa Samsung Galaxy A50 telefonyn alady», - dep ýáde etti sportshy. Konkýrs qorytyndysy 31 mamyrda jarııalanbaq.

Belgili bolǵandaı, kitapta kez kelgen jas sportshynyń aldynda turǵan qıyndyqtar týraly baıandalady.

«Aıaqtan shalǵan adamdardyń aty-jónin jarııalaımyn. Olar kezinde ýádeni úıip tókkenimen, nátıjesinde meniń jáne komandanyń ýaqytyn bosqa shyǵyndady. Árıne, bizdiń komandaǵa qoldaý kórsetken adamdardy da umytpaımyz», - dep habarlady Fırýza Sháripova.

Budan buryn habarlanǵandaı, Halyqaralyq boks federatsııasynyń (IBO) tujyrymy boıynsha ekinshi jartylaı salmaqtaǵy álem chempıony, qazaqstandyq Fırýza Sháripova men reseılik ıÝlııa Kýtsenkonyń jekpe-jegi 2019 jyldyń 16 maýsymynda Ekaterınbýrgte ótedi.

Sháripovanyń Kýtsenkoǵa qarsy alǵashqy aıqasy 2018 jyldyń 8 qyrkúıeginde Sankt-Peterbýrgte ótip, qazaqstandyq sportshynyń jeńisimen aıaqtalǵan edi.