Fırýza Sháripova kelesi jekpe-jegi ótetin kúndi jarııalady

NUR-SULTAN. QazAqparat – Bokstan úsh salmaq dárejesi boıynsha álem chempıony Fırýza Sháripova Instagram-daǵy paraqshasynda kelesi aıqasy 30 qazan kúni Máskeýde ótetinin málimdedi, dep habarlaıdy QazAqparat Sports.kz portalyna silteme jasap.

«30 tamyzda Máskeýde jekpe-jek ótkizemin. Aldaǵy ýaqytta tolyǵyraq habarlaımyn», - dep jazdy Fırýza.

Eske sala ketsek, kezdesý 25 qazanda Qazaqstanda ótý kerek bolatyn, biraq toqtatylǵan edi.

Fırýza Sháripova 22 tamyzda Qazan qalasynda tanzanııalyq Heppı Daýdıdi merziminen buryn jeńip, ózi úshin úshinshi salmaq dárejesindegi álem chempıony ataǵyn ıelengen.