Fırýza Sháripova kelesi jekpe-jegi qashan ótetinin aıtty

NUR-SULTAN. QazAqparat – Qazaqstandyq boksshy Fırýza Sháripova kelesi aıqasy qashan ótetinin málimdedi, dep habarlaıdy QazAqparat agenttigi.

«Meniń kelesi jekpe-jegim qysta ótedi. Bul, beldi tórt tıtýldyń biri boıynsha chempıondyq ataq úshin aıqas bolady», - dep jazdy Fırýza Sháripova Instagram-paraqshasyna.

Eske sala ketsek, qazan aıynyń sońynda F.Sháripova (11-1, 6 KO) serbııalyq boksshy Sara Marıanovıchpen (7-7, 3 KO) kezdesken bolatyn. Segiz raýndqa josparlanǵan jeńil salmaqtaǵy jekpe-jekte qazaqstandyq sportshy tóreshilerdiń biraýyzdy sheshimimen jeńiske jetti.

Osylaısha, Fırýza Sháripova kásipqoı rıngtegi on ekinshi jeńisin toılady.

26 jastaǵy boksshymyz úshin bul 2020 jylǵy ekinshi aıqas bolatyn. Buǵan deıin ol tamyzda tanzanııalyq Heppı Daýdımen (9-7-1, 4 KO) kezdesip, besinshi raýndta nokaýtpen jeńiske jetti.