Fırýza Sháripova kelesi aıqasynyń kúnin jarııa etti
NUR-SULTAN. QazAqparat - Qazaqstandyq kásibı boksshy Fırýza Sháripova (11-1, 6 KO) rıngke qashan oralatynyn aıtty, dep habarlaıdy Sports.kz.
Sportshy ınstagramyna kelesi aıqasynyń 24 qazanda Qazan qalasynda (Reseı) ótetinin jazdy. Qarsylasynyń esimi taıaý ýaqytta jarııa etiledi.
Eske salaıyq, 22 tamyzda Sháripova Qazanda tanzanııalyq Heppı Daýdıǵa (8-7-1, 4 KO) qarsy aıqasyp, besinshi raýndta tehnıkalyq nokaýtpen jeńiske jetti. IBA tujyrymy boıynsha ekinshi jartylaı jeńil salmaqtaǵy álem chempıony tıtýly báske qoıyldy. Bul jekpe-jek qazaqstandyqtyń 2019 jyldyń sáýirinen bergi alǵashqy aıqasy.
