Fırýza Sháripova kásipqoı boksqa qaıta oraldy

NUR–SULTAN. QazAqparat -Qazaqstandyq sportshy Fırýza Sháripova kásipqoı boksqa qaıta oralǵanyn resmı túrde málim etti, dep habarlaıdy QazAqparat Sports.kz portalyna silteme jasap.

Sháripova Instagram paraqshasynda óziniń Sofıa Ochıgavaǵa qarsy ótken kásipqoı bokstaǵy alǵashqy jekpe-jeginiń afıshasynyń fotosyn jarııalap, «Resmı! Men oraldym! Revansh qalaısyzdar ma?» degen jazba qaldyrdy. Ol aıqasta qazaqstandyq boksshy tóreshilerdiń biraýyzdy sheshimimen jeńilgen bolatyn.

Eske sala ketsek, 2019 jyldyń qyrkúıek aıynda Sháripova chempıondyq jekpe-jegine demeýshi bolmaǵandyqtan óz mansabyn aıaqtaıtynyn málimdegen bolatyn.

Karerasyn aıaqtaǵanǵa deıin Sháripova 61,2 salmaq dárejesinde WIBA jáne WBU belbeýleriniń ıesi atanǵan. Sondaı-aq ol 2019 jyldyń kóktemine deıin 59 kg salmaq dárejesine deıingi WBC Silver jáne IBO Championship belbeýlerin enshilegen edi. Biraq tıtýldaryn ýaqytynda qorǵamaǵandyqtan aıyrylyp qaldy.