Fırýza Sháripova kásibı rıngtegi alǵashqy jeńisine qol jetkizdi
ASTANA. QazAqparat - Qazaqstandyq boksshy Fırýza Sháripova kásibı rıngte alǵashqy jeńisine qol jetkizdi. Bul týraly 24.kz telearnasy habarlaıdy.
Ispanııanyń Santa-Polo qalasynda shildeniń 30-ynan 31-ine qaraǵan túni ótken kezdesýde 21 jastaǵy boksshymyzdyń qarsylasy tájirıbeli ıtalıan boksshysy Anjela Kanetsaro boldy.
Tórt raýndqa shaqtalǵan jekpe-jek sońyna deıin jetkizilip, tóreshilerdiń biraýyzdy sheshimimen jeńiske otandasymyz laıyq dep tanyldy. Osylaısha Sháripova álem boıynsha áıelder boksynda promoýtorlyq kompanııanyń qamqorlyǵymen alǵashqy jekpe-jekterin bastap ta ketti.
Esterińizge sala keteıik, 21 mamyrda kelisimge otyrǵan Sháripova kásibı alańdaǵy alǵashqy kezdesýinde reseılik Sofıa Ochıgavaǵa jol bergen bolatyn.
