Fırýza Sháripova IBF tıtýly úshin Monakoda jekpe-jekke shyǵady
ALMATY. QazAqparat - Kásibı bokstan qos birdeı salmaq dárejesinde chempıondyq ataǵy bar Fırýza Sháripova 24 qazanda Monakoda bylǵary qolǵap túıistiredi, dep habarlaıdy QazAqparat tilshisi.
Sportshynyń menedjeri Sergeı Zavıleıskıı habarlaǵandaı, osy baǵytta Monako boks federatsııasynyń prezıdenti Loran Pýonspen kelisim jasalǵan.
Endi kúzgi Sportel kórmesi barysynda Monakoda boks shoýy ótedi. Baǵdarlamanyń basty keıipkeri Fırýza Sháripova bolmaq.
«Fırýza álemdik reıtıngtegi №2 sportshy Frantsııalyq Maıva Hamadýshpen shyǵýy yqtımal. Ol ІBF versııasy boıynsha álem chempıony. Al Fırýza IBO Championship jáne WBC Silver chempıony.
Sportel kórmesin jarııalaýǵa álemnen 3 myńǵa jýyq telearna ókili keledi. Sondyqtan, bul Fırýza úshin taptyrmas múmkindik», - dedi menedjer.
Boks keshiniń aldyndaǵy salmaq ólsheý rásimi Grimaldi Forumda ótedi.
«Sonymen qatar, Monakoda qazaq kúresinen beldesýler uıymdastyratyn bolamyz. Fırýza qazaq kúresinen elshi retinde barady», - dedi Sergeı Zavıleıskıı.
Aıta ketý kerek, álemdegi eń bedeldi sport arnalarynyń SportelAsia kórmesi qazir Sıngapýrde ótip jatyr. Onda Qazaqstandy Fırýza Sháripovanyń FSK Promotion promoýterlik kompanııasy men Qazaq kuresi kompanııasy tanystyryp jatyr.
