Fırýza Sháripova eń sulý sportshylar tizimine endi
Sankt-Peterbýrgte shyǵatyn SPORT №1 jýrnaly jyl saıyn jekpe-jektegi myqtylardy anyqtap qana qoımaı, názik jandardyń sulýlyǵyna da baǵa beredi.
«Qazir talantty boksshynyń sporttaǵy mansaby sharyqtaý ústinde. Sportshynyń áleýmettik jelidegi jankúıerleri kún sanap artyp, onyń tartymdy sýretteri klassıkalyq soqqysynan da joıqyn bolyp tur», - delingen maqalada. Sondaı-aq, sportshynyń basty maqsaty - Olımpıadaǵa qatysyp, jeńiske jetý ekendigi de aıtylǵan.
Úzdik ondyqtan oryn alǵan sulýlar qatarynda Fırýzanyń qarsylasy, reseılik Sofıa Ochıgava men boksshy Svetlana Kýlakova bar. Odan bólek, MMA-lyq Peıdj Vanzant, Aleksandra Albý, Marına Mohnatkına, taılandtyq boksshy Ekaterına Vandareva jáne erkin kúresten olımpıada chempıony Natalıa Vorobeva da eń kórikti sportshylar tizimine engen.
Budan bólek, Sháripova reseılik Boks TV telearnasynyń jekpe-jekten kásibı sportshylardyń top-5 qataryna kiredi, sol sııaqty Eurosport telearnasynyń top-10 tiziminen oıyp turyp oryn alǵan. Ol, sonymen birge, elimizdegi Vesti.kz saıtynyń jáne AllFight.ru tańdaýy boıynsha eń sulý sportshy bolyp sanalady.
Aıta keteıik, boksshy ústimizdegi jyldyń 8 qyrkúıeginde Sankt-Peterbýrgtegi A2 arenasynda reseılik boksshy ıÝlııa Kýtsenkomen jekpe-jekke shyǵyp, kásibı bokstaǵy kezekti jeńisine qol jetkizgen bolatyn.
Buǵan deıin habarlaǵanymyzdaı, boksshynyń kelesi qarsylasy - fınlıandııalyq Eva Valstrem. Ekeýiniń jekpe-jegi qashan jáne qaı jerde ótetini belgili boldy.