Fırýza Sháripova Almatyǵa keldi
ALMATY. QazAqparat - Kásipqoı boksta eki salmaq sanatyndaǵy birneshe beldiktiń ıesi Fırýza Sháripova Almatyǵa keldi, dep habarlaıdy «QazAqparat» HAA tilshisi.
Ol Almatydaǵy SPORTExpo Kazakhstan sporttyq kórmesin tamashalady.
F.Sháripova qazir WBC tujyrymy boıynsha álem chempıony fınlıandııalyq Eva Valstremmen bolatyn jekpe-jekke daıyndyq ústinde. Qazaqstanǵa jattyǵýlar arasyndaǵy úzilisin paıdalanyp birneshe kúnge kelip otyr. Jýyq arada ol Máskeýge qaıtyp ketedi.
Aıta keteıik, F.Sháripova úzdik sportshy qyz retinde «Altyn Adam - Jyl Adamy» syılyǵyna usynylǵan.
Marapattaý saltanaty 20 qarasha kúni 18:30-da Abaı atyndaǵy Qazaq Memlekettik akademııalyq opera jáne balet teatrynda bolady.
