Fırýza Sháripova álemniń absolıýtti chempıonyn jekpe-jekke shaqyrdy

NUR-SULTAN. QazAqparat - Gennadıı Golovkındi jekpe-jekke shaqyrǵan orta salmaqtaǵy álemniń absolıýtti chempıony Klaress Shıldske Fırýza Sháripova jaýap berdi, dep habarlaıdy QazAqparat.

«Shılds, aptyǵyńdy bas, qazaqtar áıelderdi urmaıdy. Gennadıı Golovkın mádenıetti, tárbıesi jaqsy adam», - dep jazdy sportshy Instagramdaǵy paraqshasynda.

Sonymen qatar, Fırýza Sháripova K.Shıldstiń ózin sharshy alańda kezdesýge shaqyrdy.

«Eger qazaqstandyq boks mektebiniń qandaı ekendigin bilgiń kelse, senimen kezdesýge daıynmyn. «Rokkı-4» fılmin kórip pe ediń? Rokkı Balboa Ivan Dragoǵa qaraǵanda denesi shaǵyn ári jeńil bolǵanyna qaramastan jeńiske jetti. Boıymyz ben salmaǵymyzdyń aıyrmashylyǵyna qaramastan seni jeńetinime senimdimin», - dedi otandasymyz Fırýza Sháripova.

Aıta keteıik, kásipqoı bokstan qazaqstandyq álem chempıony Fırýza Sháripova 20 sáýir kúni Máskeýdegi Floıd Meıvezer boks akademııasynda reseılik Anastasııa Trıshınamen jekpe-jekke shyǵady. https://kaz.inform.kz/news/firuza-sharipova-maskeude-bolatyn-zhekpe-zhekte-kimmen-aykasady_a3515613

Jekpe-jek Grıgorıı Drozd - Kshıshtof Vlodarchık, Vladımır Klıchko - Aleksandr Povetkın jekpe-jekteri ótken ataqty rıngte bolady.