Fırýza Sháripova álemdik reıtıngte tómenge syrǵydy
NUR-SULTAN. QazAqparat - Qazaqstandyq boksshy Fırýza Sháripova (11-1, 6 KO) ІVA tujyrymy boıynsha ekinshi jartylaı jeńil salmaqta chempıon atandy, alaıda Boxrec.com portalynyń reıtınginde tómenge túsip qaldy, dep habarlaıdy QazAqparat Sports.kz-ke silteme jasap.
Sháripova besinshi raýndta tanzanııalyq Heppı Daýdıdi (8-7-1, 4 KO) tehnıkalyq nokaýtpen jeńdi, alaıda BoxRec reıtınginde 19-orynnan 27-shi orynǵa tómenge syrǵydy.
Sondaı-aq, qazaqstandyqtyń jınaǵan upaıy da azaıyp qalǵan - 1.342-den 0.516-ǵa kemigen. Bul Sháripovanyń uzaq ýaqyt boıy alańǵa shyqpaı qalýymen jáne qarsylasynyń álsiz ekendigine baılanysty bolýy múmkin, ol sońǵy ret 2019 jyldyń sáýirinde rıngke shyqqan bolatyn.
