Fırýza Sháripova absolıýtti álem chempıonymen jekpe-jek ótkizedi

NUR-SULTAN. QazAqparat – Qazaqstandyq boksshy Fırýza Sháripova 11 jeltoqsanda jeńil salmaqtaǵy absolıýtti álem chempıony Ketı Teılorǵa qarsy aıqas ótkizedi, dep habarlaıdy QazAqparat VKontakte áleýmettik jelisindegi «Qazaqstannyń kásibı boksy» paraqshasyna silteme jasap.

Shoý Lıverpýlde ótedi, ony DAZN Qazaqstan ýaqytymen jeltoqsannyń 12-si kúni túnde tikeleı efırden kórsetedi.

Sháripova WBA reıtınginde birinshi orynda tur. Sondyqtan bul aıqasty ótkizýge mindetti.

Fırýza – kásibı boksta barlyq tıtýl úshin judyryqtasatyn alǵashqy qazaqstandyq.

Ketı Teılor – áıelder boksynda aty ańyzǵa aınalǵan sportshy, Londondaǵy Olımpıada chempıony jáne kásibı boksta jeńilip kórmegen.