Fırýza Sháripova 2020 jylǵy Olımpıadaǵa qatysýdy kózdep otyr
«Qazaqstan áıelder quramasynyń bas bapkeri aýysqannan keıin meniń Olımpıada oıyndaryna qatysý múmkindigim arta tústi. Bas bapkerlikke kelgen Erik Alǵabek meniń jeke bapkerim bolǵan. Onymen ary qaraı bıik belesterdi baǵyndyrýǵa daıynmyn. Olımpıada oıyndaryna qatysty AІVA-da týyndaǵan máseleniń izimen lıtsenzııalyq týrnırler kelesi jylǵa ysyryldy. Sol sebepti meniń múmkindikterim arta tústi», - deıdi Fırýza Sháripova.
Boksshy boıjetken Qazaqstan kásipqoı boksy men Qazaqstannyń bokstan áıelder quramasy birlese kúsh salatyn bolsa, altyn medal alýǵa tolyq múmkindik bar ekenin aıtady.
«Biz osyǵan deıin birneshe eldiń boksshy boıjetkenderimen sparrıng ótkizip kórgenbiz. Sol aıqastardan keıin meniń altyn alýǵa áleýetim jetkilikti ekenine kózim jete tústi. Tokıodaǵy Olımpıada oıyndaryna barsam deımin. Jasym da saı keledi», - deıdi ol.
Eske sala ketsek, Halyqaralyq boks federatsııasynyń (IBO) tujyrymy boıynsha ekinshi jartylaı salmaqtaǵy álem chempıony, qazaqstandyq Fırýza Sháripova men reseılik ıÝlııa Kýtsenkonyń jekpe-jegi 2019 jyldyń 16 maýsymynda Ekaterınbýrg qalasynda ótedi.