Fırmalar basshylyǵynda áıelderdiń úlesi qanshalyqty kóp bolsa, jumys ta sonshalyqty tabysty
ALMATY. 25 qarasha. QazAqparat /Erlik Erjanuly/ - Jumys kúshteriniń 40 paıyzyn nemese 1 mıllıard 200 myńyn áıelder quraıdy.
Bul búgin Almatyda ótip jatqan Korporatıvtik basqarý jónindegi ІІІ Ortalyq Azııalyq sammıtte aıtyldy.
"Dýman" oıyn-saýyq ortalyǵy" AQ-nyń Basqarma tóraıymy Patıma Matjanovanyń aıtýynsha, shet elderdegi túrli zertteý jumystarynyń nátıjesine qaraǵanda, fırmalardyń basqarý organynda áıelder qanshalyqty kóp bolsa, olardyń jumysy da sonshalyqty tabysty bolatyny anyqtalyp otyr. Máselen áıelder joǵary basshylyq qyzmetterdi atqarǵan kompanııalardyń tabysy er adamdar basqarǵan kompanııalarǵa qaraǵanda 35 paıyz joǵary bop shyqqan.
"Qazir Astanada aktsıonerlik qoǵamdardyń Basqarma músheleriniń - 20 paıyzyn, birinshi jetekshileriniń - 14 paıyzyn, al Dırektorlar keńesiniń 11 paıyzyn áıelder quraıdy. Jalpy qazirgi tańda korporatıvtik basqarý salasyndaǵy genderlik saıasat álemniń barlyq elde ózekti máselelerdiń biri bolýda. Áıelderdiń áleýeti áli tolyq paıdalanylmaıdy. Máselen Eýropadaǵy jetekshi 300 kompanııadaǵy áıelderdiń úlesi Dırektorlar keńesi músheleriniń 9,7 paıyzyn ǵana qurap otyr ", - deıdi Patıma Turalyqyzy.
