Fırmaaralyq bereshekten elimizge jáne salyq tóleýshilerge esh qaýip joq - Ulttyq bank tóraǵasy
ALMATY. Qazannyń 5-i. QazAqparat /Erlik Erjanuly/ - Qazaqstannyń syrtqy boryshy aǵymdaǵy jyldyń alǵashqy jartyjyldyǵynda fırmaaralyq bereshekti qospaǵanda 3,7 mıllıard dollarǵa tómendedi.
Ulttyq bank tóraǵasynyń búgin Almatyda ótkizgen baspasóz máslıhatynda osylaı aıtyldy.
«Qazaqstannyń syrtqy boryshyna alǵashqy jartyjyldyqta bankterdegi bereshekterdi qaıta qurylymdaý áser etken joq. Fırmaaralyq bereshekter 5,1 mılıard dollarǵa ósti. Óıtkeni iri sheteldik ınvestorlar ınvestıtsııany ózderiniń Qazaqstan aýmaǵyndaǵy enshiles ne birlesken kompanııalaryna qaryz dep tirkeıdi. Odan biraq, elimizge jáne salyq tóleýshilerge eshqandaı qaýip joq», deıdi Grıgorıı Marchenko.
Ulttyq bank tóraǵasynyń aıtýynsha, memlekettik qaryz Qazaqstanda óte tómen. Bankterdiń qaryzdary da birtindep azaıyp kele jatyr. Alǵashqy jartyjyldyqta eldiń jalpy syrtqy boryshy 11436 mılıard dollardy qurady. Onyń 48 paıyzyn fırmaaralyq bereshekter, 22 paıyzy bankterdiń syrtqy mindettemeleri qurady. Jalpy syrtqy boryshtyń jalpy ishki ónimge qatynasy 98,6 paıyzdan 89,6 paıyzǵa, al taýarlar men qyzmet kórsetý eksportyna qatysy 189,1 paıyzǵa tómendedi.
