Fırma menedjerine qaraqshylyq shabýyl jasady degen kúdikpen Aqtaýda jergilikti úsh turǵyn qamaýǵa alyndy
ASTANA. 10 qazan. QazAqparat -Krımınaldyq polıtsııa qyzmetkerleri Aqtaý qalasynda jergilikti úsh turǵyndy qamaýǵa aldy, olar uıaly telefon satatyn fırmanyń 26 jastaǵy menedjerin óltirýge qastandyq jasaǵan.
QR ІІM málimetine qaraǵanda, qazan aıynyń basynda saǵat shamamen 15.00-de Aqtaý qalasy ІІB kezekshi bólimine jábirlenýshi men onyń áriptesi otyrǵan «VAZ-2104» avtokóligine qaraqshylyq shabýyl jasalǵany habarlanady. Kúdiktiler jábirlenýshiden JShS-niń 6 mln. teńgeden astam qarjysy bar sómkeni urlap ketedi. Jábirlenýshiler ártúrli dene jaraqatymen aýrýhanaǵa jetkiziledi. Oqıǵa bolǵan jerden travmatıkalyq qarýdyń 2 patrony tárkilendi.
Jedel-izdestirý is-sharalary kezinde kúdiktilerdiń «Opel-Kalıbra» avtokóliginde jasyrynǵany anyqtaldy.
Shamamen saǵat 17:00-de zaýyttyń kúzetshisi avtokóliktiń órtenip jatqany týraly telefon arqyly habarlaıdy. Aqparatty tekserý kezinde avtokóliktiń kúdiktilerge tıesili ekeni belgili bolady. Qazirgi ýaqytta kúdiktiler quryqtaldy, tergeý jalǵasýda.
