Fırdoýsı men Omar Haııamnyń shyǵarmashylyǵyna arnalǵan poezııa keshi ótedi
Ortaǵasyrlyq parsy aqyndarynyń ádebı jaýharlaryn nasıhattaýǵa arnalǵan sharany joǵary oqý ornynyń 80 jyldyǵy men «100 kitap» aıasynda «Gúlstan» úıirmesi jáne Iran ortalyǵy uıymdastyryp otyr.
Aıta keteıik, qos shaıyrdyń týǵan kúnderi kún kúntizbesi boıynsha ýrdıbehesht, ıaǵnı sáýir jáne mamyr aılaryna týra keledi. Sonymen qatar basqa parsy aqyndarymen salystyrǵanda, Fırdoýsıdyń «Shahnamasy» men Omar Haııamnyń rýbaılary ózge tilderge, sonyń ishinde qazaq tiline de kóp aýdarylǵan. Poezııa keshiniń maqsaty - stýdentterdi jyr alyptarynyń shyǵarmashylyǵymen tanystyryp, parsy poezııasynyń qyr-syrlaryna qanyqtyrý.
Aıtýly sharaǵa oqytýshylar, stýdentter men arnaıy shaqyrylǵan qonaqtar qatysady. Onda oqytýshylar álemge áıgili jyr dúldúlderiniń shyǵarmalary týraly ǵylymı zertteýlerin ortaǵa salmaq. Al stýdentter Omar Haııamnyń rýbaılaryn oqýdan saıysqa túsedi. Sondaı-aq kesh barysynda «Biz jáne Shahnama» baıqaýy ótkizilmek, dep habarlaıdy qazaq-alemi.kz.