«Fıona» daýyly Kanadanyń Atlant muhıty jaǵalaýyna jaqyndap keledi
ASTANA. QazAqparat - «Fıona» daýyly Kanadanyń Atlant muhıty jaǵyndaǵy jaǵalaýyna jaqyndap keledi, dep habarlaıdy Euronews.com.
Daýyl teńizde bıik tolqyndar týdyryp, nóser jaýyn, qatty jel ákele jatyr.
Óńir turǵyndaryna jiberilgen eskertýde jaǵaǵa jaqyn jerlerde sý basý qaýpi bary da aıtylǵan. Jel qatty bolatyn aımaqtarda elektr energııasy birneshe kúnge deıin óshirilýi múmkin.
Keıp-Breton aralynyń keı jerlerinde jáne Jańa Shotlandııanyń shyǵys bóliginde jaz boıy jańbyr jaýdy. Bul sol óńirlerde sý basý qaýpin joǵarylatyp otyr.
Bermýd araldarynda qazir jaryq birde bar, birde joq bolyp tur. Ótken túnde bul jaqty «Fıona» daýyly janap ótkendikten, elektr jelisiniń keı jerleri úzilgen. Araldaǵy TJ mamandary turǵyndardy úıden shyqpaýǵa shaqyrǵan, sebebi jeldiń jyldamdyǵy saǵatyna 160 km jyldamdyqpen soqqan.
