Fınlıandııanyń premer-mınıstri jumys aptasyn qysqartýdy usyndy
HELЬSINKI. QazAqparat - Fınlıandııanyń premer-mınıstri Sanna Marın jumys aptasyn 4 kún, al jumys kúnin 6 saǵatqa deıin qysqartýdy usyndy, dep habarlaıdy QazAqparat Huffington Post basylymyna silteme jasap.
«Adamdar otbasymen jáne jaqyndarymen kóbirek ýaqyt ótkizýi kerek. Jumys aptasy bes kún, jumys kúni 6 saǵatqa deıin qysqartyp, halyqtyń eńbekaqysyn ózgerissiz qaldyrýdy usynamyn», - dedi Sanna Marın.
34 jastaǵy premer-mınıstrdiń usynysyn halyq yqylaspen qabyldady. Bul usynysty jıyn barysynda Fınlıandııanyń bilim mınıstri Lı Anderssonna da qoldady.
Aıta ketý kerek, qazirgi tańda Fınlıandııada jumys kúni 8 saǵatty qamtıdy. Al kórshiles Shvetsııadaǵy Geteborg qalasynda 2015 jyly 6 saǵattyq jumys kúni engizilgen bolatyn.
