Fınlıandııanyń bas komıssary «Zııatker urpaq» jobasyna qatysty
ASTANA. QazAqparat - «Qazaqstan 2050» jalpyulttyq qozǵalysynyń uıymdastyrýymen Astanadaǵy «Nurorda» daryndy balalarǵa arnalǵan bilim-ınnovatsııalyq lıtseıinde «EXPO-2017. Astana» kórmesindegi Fınlıandııanyń bas komıssary Severıı Keınala «Zııatker urpaq» jobasy aıasynda sheberlik synybyn ótkizdi, dep habarlaıdy QazAqparat.
Bas komıssardyń qatysýymen ótken sheberlik synybynyń negizgi taqyryby mansaptyq ósý joly jáne ony tıimdi josparlaý ádisterine arnaldy. Spıker retinde ol kásibı ósýdiń basty tórt jolyn usyndy.
«Áýeli sapaǵa mán berip úırený kerek. Sapaǵa jetý úshin bilim men máseleni tıimdi sheshýdiń tetikterin jetik meńgergen durys. Ekinshi bir aıtarym, salaýatty ómir saltyn saqtaı otyryp, jumysta, úıde jáne aınalańmen baılanysty qalyptastyrý úshin tepe teńdikti ustaı bilgen jón. Tek bir jaǵyna ǵana mán berý jetistik ákelmeıdi. Ujymmen jumys - tabysqa jetýdiń kepili. Men muny sizderge úshinshi keńesim retinde aıtar edim. Eń sońǵysyna «qazirgi ýaqyt» degen uǵymdy aıtýǵa bolady. Biz ómir súrip otyrǵan qoǵam kún saıyn ózgerip barady. Jańa tehnologııalardyń paıda bolýy bizdiń ózgerýimizdi talap etedi. Sondyqtan, ózgeristerge beıim bolýdy, turaqty túrde bilim alyp otyrýdy usynar edim», - dedi Severıı Keınala.
«Qazaqstan 2050» jalpyulttyq qozǵalysynyń «Zııatker urpaq» jobasy qatysýǵa qyzyǵýshylyq tanytqan bas komıssar jobanyń alǵa qoıǵan maqsaty men mindetin joǵary baǵalaıtyndyǵyn jetkizdi.
«Jastardy tárbıeleý úshin «Zııatker urpaq» sııaqty jobanyń bolýy mańyzdy ekenin uǵynýymyz kerek. Jobanyń kózdegen mejesi kóńilimnen shyqty. Kúnniń basty taqyryptaryn ortaǵa salyp, oqýshylar men stýdentterge arnap tamasha múmkindik usynyp otyrǵan ujymnyń jumysyn baǵalaımyn. Biz únemi jetilip, ósýge tıispiz. Ol úshin «Zııatker urpaq» sııaqty jobanyń bolýy zańdylyq», - dedi bas komıssar.
Aıta óteıik, oqýshylarǵa sheberlik synybyn ótkizgen Severıı Keınala Fınlıandııanyń týrızm, ınvestıtsııa jáne eksport salasynda laýazymdy qyzmetterdi atqarǵan. Sondaı-aq, saýda isi boıynsha halyqaralyq deńgeıdegi jaýapty mindetterdi de oryndaǵan.
«Qazaqstan 2050» jalpyulttyq qozǵalysynyń joba menedjeri Eraly Bolatov ujym atynan laýazymdy tulǵanyń «Zııatker urpaq» jobasyna qatysqanyna alǵys aıta otyryp, joba aldaǵy ýaqytta da jalǵasyn tabatyndyǵyn aıtty.
