Fınlıandııadan Qazaqstan arqyly Qytaıǵa jańa temir jol baǵdary ashylady

HELЬSINKI. QazAqparat - Fınlıandııadan Qazaqstan arqyly Qytaıǵa jańa temir jol baǵdary ashylady. Bul týraly búgin Fınlıadııanyń bıznes kapıtandarymen kezdesý barysynda Qazaqstan Prezıdenti Nursultan Nazarbaev aıtty, dep habarlaıdy QazAqparattyń arnaýly tilshisi Helsınkıden.

«Biz mýltımodaldy Eýrazııalyq kólik dálizin iske qostyq. Qazaqstan arqyly 5 temir joly men 6 halyqaralyq avtomobıl baǵdary ótedi. Olar Qytaı men Azııanyń ózge de elderin Reseı, Kaspıı teńizi, Qara teńiz, sonymen qatar Iran jáne Túrkııa arqyly Eýropamen jalǵaıdy», - dep atap ótti Elbasy.

Osy oraıda Memleket basshysy Qazaqstan aýmaǵy arqyly Qytaıdan Fınlıandııaǵa jańa temir jol baǵdarynyń ashylýy qýanyshty jańalyq ekenin atap ótti.

«Endigi ýaqytta Qytaıdan Fınlıandııaǵa jáne keri baǵytta Qazaqstan arqyly ótetin konteınerlik tasymal  teńiz jolymen tasymaldaýǵa qaraǵanda 4 ese az ýaqytty alatyn bolady», - dedi Nursultan Nazarbaev.
 

Esterińizge sala ketsek, búgin Qazaqstan Prezıdenti Nursultan Nazarbaev resmı saparmen Fınlıandııaǵa keldi.

Sapar aıasynda Elbasy fın bıznes kapıtandarymen kezdesti.  

Al erteń  Nursultan Nazarbaevtyń Fınlıandııa Respýblıkasynyń Prezıdenti Saýlı Nıınıstemen shaǵyn jáne keńeıtilgen quramdaǵy kezdesýi josparlanyp otyr.