Fınlıandııadaǵy Aıaz atanyń keńsesi qarjylyq qıyndyqqa baılanysty baknrotqa ushyrady
ASTANA. QazAqparat - Santa-Klaýstyń Fınlıandııadaǵy keńsesi 200 myń eýro (223 myń dollar) somasyndaǵy salyqtyń tólenbeýi saldarynan bankrot bolǵanyn jarııalady, dep jazady «VVS» agenttigi.
Reıter agenttiginiń málimetterinshe, qarjylyq qıyndyq Santa-Klaýs rezıdentsııasynyń eń jıi qonaqtarynyń qatarynda bolǵan reseılik týrıster sanynyń kúrt azaıýymen baılanysty boldy. Sondaı-aq, Grekııa, Ispanııa, Italııa jáne Portýgalııadan keletin qonaqtardyń sany aıtarlyqtaı tómendegen. «Birinshi Grekııa, sodan keıin Ispanııadan keletin týrısterdiń sany qysqarǵan. Keıin Italııa men Portýgalııa, Reseıden keletinder de azaıdy», - dep keıidi Laplandııadaǵy Santa-Klaýs kentiniń basqarýshy dırektory ıArmo Karınıemı. Taqyryptyq saıabaq basshylyǵynyń habarlaýynsha, Santa-Klaýs rezıdentsııasynyń jabylaýyna jol bermeý úshin olardyń salyqtardy tóleýmen baılanysty máseleni sheshýge taǵy bir apta ýaqyty bar. Basqarýshy dırektordyń aıtýynsha, qajetti somanyń jartysy jınaldy. Byltyr Santa-Klaýstyń «keńsesine» 300 myńǵa jýyq týrıst kelgen. Reseılik týrıster sanynyń azaıýynan endi eń jıi keletin qonaqtar japondyqtar bolyp otyr.
