Fınlıandııadaǵy AES-ta radıaktıvti otyn tógildi
ASTANA. QazAqparat - Fınderdiń Baltyq teńizindegi Botnıkalyq shyǵanaǵynyń jaǵalaýyndaǵy aralda ornalasqan «Olkılýoto» AES-ynda ıadrolyq otyn tógildi. Stansanyń birinshi blogynda radıaktıvti zattyń reaktor qubyrynda kemýi anyqtalǵan, dep habarlaıdy YLE teleradıokompanııasy.
Jergilikti ıAdrolyq jáne radıatsııalyq qaýipsizdik ortalyǵynan (STUK) el turǵyndaryn oqıǵanyń saldary qorshaǵan ortaǵa qaýip tóndirmeıdi den sendirip baqty. Elektr qýatyn óndirý bóliminiń basshyyy Mıkko Kosonen habardyń jaısyz ekendigin rastap, biraq asa kúrdeli másele emes dep málimdedi.
«Stansa jumysy kezinde osyndaı jaǵdaılar 40-qa jýyq ret oryn alǵan», - dep atap ótti ol. Basylymnyń habarlaýynsha, AES-taǵy jóndeý jumystary bir aptaǵa jýyq ýaqytqa sozylady. Elektr qýatyn óndirý jóndeý jumystary kezinde, dúısenbi, 11 sáýirden bastap toqtatylǵan.
Reaktordy tekserýden keıin úsh ózekti jospardan tys aýystyrý týraly sheshim qabyldandy. Aktıvti aımaqta barlyǵy shamamen 500 otyndyq element paıdalanylýda.
Eske sala ketsek, «Olkılýoto» AES-y 1978 jyly paıdalanýǵa berilgen. Stansanyń eki reaktory Fınlıandııadaǵy elektr qýatynyń 16 paıyzyn óndiredi. 2005 jyly Fınlıandııada AES-tyń úshinshi blogynyń qurylysy bastaldy, alaıda qazirgi kezde onyń qashan paıdalanýǵa beriletini belgisiz.
Foto: Hannu Huovila / TVO
