Fınlıandııadaǵy tikushaq apatynan bes adam qaza tapty
ASTANA. KAZINFORM — Senbi kúni Fınlıandııanyń ońtústik-batysyndaǵy Eýra qalasynyń mańynda eki azamattyq tikushaq soqtyǵysty, dep habarlaıdy AZERTADJ.
Bortta bolǵan barlyq bes adam qaza tapty: bir tikushaqta ekeý, ekinshisinde úsheý. BAQ málimetterine sáıkes, qaza tapqandardyń arasynda eki estondyq kásipker bolǵan.
Apat jergilikti ýaqyt boıynsha shamamen 12:35-te oryn alǵan. Tikushaqtar soqtyǵysqannan keıin jerge qulaǵan. Kýágerdiń aıtýynsha, tikushaqtardyń biri manevr jasap jatqanda ekinshisine soqtyǵysyp, sonyń saldarynan ekeýi de qulaǵan.
Tikushaqtar shamamen 100 metr qashyqtyqta tabylǵan. Olardyń biri Estonııada, ekinshisi Aýstrııada tirkelgen. Belgili bolǵandaı, olar Tallınnen ushyp shyqqan, al baǵyttary — Fınlıandııadaǵy Kýmo aerodromy bolǵan.
Qaıǵyly oqıǵanyń sebepteri men mán-jaılary tergelip jatyr.
Buǵan deıin Fınlıandııada eki tikushaq soqtyǵysyp, apatqa ushyraǵanyn jazǵanbyz.