Fınlıandııada temeki ónimderin dúkenderdiń sórelerine qoıýǵa tyıym salyndy
ASTANA. Qańtardyń 21-i. QazAqparat - Fın úkimeti temeki tartýǵa qarsy kúreske baǵyttalǵan zańdy qataıtty. Budan bylaı temeki ónimderin eldiń dúken sórelerine shyǵarýǵa tyıym salynady,
dep habarlaıdy QazAqparat Lenta.rý saıtyna silteme jasap.
Jańa zańǵa saı, dúken ıelerin temeki buıymdary qoıylǵan barlyq sórelerdi kóktemge deıin alyp tastaýǵa mindetteıdi. Shylymqorlar temekini satyp alý kezinde olardy satýshydan suraýlaryna týra keledi. Satýshylar shylymdy sóreniń astynan alyp beretin bolady.
Zań sondaı-aq, salonda jasy kámeletke tolmaǵandar otyrsa, máshınede de temeki tartýǵa tyıym salady. Sonymen qatar, Fınlıandııada taıaýdaǵy úsh jyl ishinde sıgaret satylatyn barlyq avtomattardy joıý josparlanyp otyr.
