Fınlıandııada sońǵy 30 jyldaǵy bankrottyqtyń eń joǵary deńgeıi tirkeldi

ASTANA. KAZINFORM — Fınlıandııanyń Statıstıka basqarmasynyń derekterine sáıkes, 2025 jyly elde 3 906 kompanııa bankrottyq týraly ótinish bergen, dep habarlaıdy AZERTADJ.

Agenttik habarlaýynsha, jeltoqsan aıynda bankrottyqqa qatysty 360 ótinish tirkelgen. Bul ótken jyldyń jeltoqsanymen salystyrǵanda 34 paıyzǵa kóp.

— Ótken jyly bankrottyq deńgeıi 1996 jyldan bergi eń joǵary kórsetkishke jetti. Aldyńǵy jylmen salystyrǵanda bankrottyq týraly ótinishter sany 12 paıyzǵa artty, — delingen Fınlıandııanyń Statıstıka basqarmasy taratqan baspasóz habarlamasynda.

Vedomstvo derekteri boıynsha, 2010-jyldary elde jyl saıynǵy bankrottyqtardyń ortasha sany shamamen 2 700-di quraǵan. Al sońǵy úsh–bes jylda jyl saıyn orta eseppen 3 600-ge jýyq kompanııa bankrot dep tanylǵan.

Budan buryn 2026 jylǵy 8 qańtardan bastap Fınlıandııada turaqty turýǵa ruqsat alý úshin talaptar kúsheıtilgeni anyqtaldy.