Fınlıandııada prezıdent saılaýynyń ekinshi kezeńi ótedi

FINLıANDIıA. KAZINFORM — Jeksenbide Fınlıandııa prezıdenttik saılaýdyń birinshi kezeńin ótkizdi. NATO-ǵa kirgennen beri bul eldiń halqy alǵash ret jańa kóshbasshyǵa daýys berdi. Ekinshi týrda burynǵy premer-mınıstr Aleksandr Stýbb pen burynǵy syrtqy ister mınıstri Pekka Haavısto kezdesedi. Bul týraly VVS jazdy. 

Eseptelgen daýystyń nátıjesine sáıkes, Stýbbty saılaýshylardyń shamamen 27%-y, al Jasyldar partııasy atynan shyqqan Haavıstony 26%-ǵa jýyǵy qoldaǵan.

Úshinshi oryn «Naǵyz fınder» partııasynyń ásire ońshyl kandıdaty Djýssı Halla-ahoǵa buıyrdy. Oǵan saılaýshylardyń 19%-ǵa jýyǵy daýys berdi.

Saılaýdyń ekinshi kezeńi 11 aqpanda ótedi. 

Stýbb konservatıvti Ulttyq koalıtsııalyq partııanyń ókili jáne 2014–2015 jyldary Fınlıandııa úkimetin basqardy. Jasyldardyń kandıdaty Haavısto úshinshi ret prezıdenttikke úmitker bolyp otyr.