Fınlıandııada muzdan 200 tonnalyq attraktsıon jasaldy
ASTANA. QazAqparat - Helsınkıdegi Fındik buǵazdan salmaǵy 200 tonnalyq, dıametri 36 metrdi quraıtyn muzdan átkenshek jasaldy, dep habarlaıdy Lenta.rý.
Átkenshek kún energııasymen jumys jasaıtyn motorly qaıyqtyń kómegimen qozǵalady. Sondaı-aq, muzǵa jasandy saýnany ornatqan.
Bul attraktsıondy energetıka mamany jáne tanymal ǵylymı kitaptardyń avtory ıAnne Kıapıýlehto oılap tapqan. Ol alǵash ret mundaı átkenshekti óziniń saıajaıynda qurastyrǵan. Qurylymǵa kópshilik qyzyǵýshylyq tanytqasyn, er kisi Fınlıandııanyń astanasynda osyndaı dúnıe jasaýǵa bel býǵan.
