Fınlıandııada Qorǵanys mınıstrliginiń ǵımaratyna boıaý shashyldy
ASTANA. KAZINFORM — Belgisiz bireýler Fınlıandııa Qorǵanys mınıstrliginiń Helsınkıdegi ǵımaratyna boıaý shashqan. Oqıǵa jumaǵa qaraǵan túni bolǵan, dep habarlaıdy Kazinform tilshisi.
Yle portalynyń málimetinshe, ǵımarattyń qasbeti jergilikti ýaqyt boıynsha shamamen 01:42-de qyzǵylt tústi boıaýmen boıalǵan. Aldyn ala aqparat boıynsha bul iske bir er adam men bir áıel adamnyń qatysy bolýy múmkin. Olar oqıǵa ornynan boı tasalap úlgergen.
Bul áreket úshin jaýapkershilikti Palestine Action atty belsendiler toby óz moınyna aldy. Olar Gazadaǵy áskerı qaqtyǵystar men Fınlıandııa Qorǵanys mınıstrliginiń Izraıldiń qorǵanys kompanııalarymen áriptestigine qarsy ekenderin málimdegen. Toptyń aıtýynsha, aktsııa barysynda sýǵa erıtin boıaý qoldanylǵan.
Helsınkı polıtsııasy bul oqıǵa boıynsha tergeýdiń bastapqy kezeńde ekenin jáne kúdiktilerdiń jeke basy anyqtalyp jatqanyn habarlady.
Buǵan deıin Fınlıandııada benzın baǵasy rekordtyq deńgeıge deıin tómendegenin jazdyq.